Viðskiptaferðir.is - Heimurinn bíður eftir þér

Þetta hótel er bara rusl!

Á torginu Plaza de Callao í Madrid á Spáni hefur risið nýstárlegt 5 herbergja hótel og annað eins rusl hótel hefur ekki sést í hótelbransanum. Þetta er hótel sem vakið hefur mikla athygli en þó dregið að sér fá viðskiptavini, enda það í raun ekki tilgangurinn. Hótelið er búið til úr rusli og kallast "Beach Garbage Hotel".

Hótelið er innsetning eftir þýska listamanninn Ha Schultz og er markmiðið að vekja athygli á öllu því magni af rusli sem berst á haf út frá ströndunum. Hráefnið í smíði hótelsins er 12 tonn af rusli sem safnað var á ströndum Ítalíu, Spánar, Frakklands og Belgíu. Hótelinu er einungis ætlað að standa á meðan alþjóðleg ferðaráðstefna stendur yfir í Madrid og því engin ástæða til að slást um herbergin. 

     

 

 

 

Hjörtur

 

ps. Fylgist með á Facebook til að fá skemmtilegar sögur, leiki og góð ferðatilboð :)

Hóteli í New York breytt í risastóran kaleidoscope

Standard hótelinu í kjötpökkunarhverfinu í New York var breytt í "kaleidoscope hótel" á dögunum í tilefni af The Kaleidoscopic Fashion Spectacular tískusýningunni. Tekin voru 155 herbergi á suðurhlið hótelsins undir verkefnið og sett upp LED-lýsing í þeim öllum. Síðan dönsuðu ljósin í takt við tónlistina auk þess sem sjá mátti dansara taka þátt inn í herbergjunum: 

Hjörtur

Lausn við myndagátu 13

Berlin Alexander Platz
Originally uploaded by Werner Kunz (werkunz1)

Speglunin gefur engar vísbendingar um hvaðan myndin er en gefur henni hins vegar skemmtilegan blæ. Helsta kennileitið á myndinni er sjónvarpsturninn sem er ansi þekktur en annars er myndin frá aðaltorginu í austurhluta borgarinnar. Sporvagnarnir gefa líka ákveðna vísbendingu.

Borgin er að sjálfsögðu Berlín og er myndin frá Alexander Platz. Vinstra megin má sjá sjónvarpsturninn sem gnæfir yfir borginni og hægra megin er Park Hotel.

Berlín er mjög skemmtileg borg heim að sækja með litskrúðugt mannlíf og mikla sögu. Berlín er í hringamiðju sögu 20 aldarinnar með stofnun lýðveldis eftir fyrri heimstyrjöldina, valdaskeiði Nazizta og seinni heimsstyrjöldina og að sjálfsögðu þekktasta víglína kalda stríðsins, Berlínarmúrinn, sleit í sundur borgina í tæp 40 ár. Þetta er borg sem ég get mælt með.

Nokkrir voru með rétt svör við þessari gátu en vinninginn að þessu sinni, mat á veitingastaðnum Eldhrímni, hlaut Gunnar Hólmsteinn og óska ég honum til hamingju með hann.

Ef þú ert að hugsa um að heimsækja Berlín, þá fljúga bæði Iceland Express og Icelandair til Berlínar. Þú finnur líka frábær tilboð á hótel í Berlín hér hér eða þú getur skoðað Hostel á Hostelworld hér vinstra megin en þau eru allt niður í 20 dollara nóttin.

Hjörtur

ps. munið að gerast fans á facebook eða áskrifendur á twitter til að fá tilboð, verðlaunagátur og áhugaverðar ferðasögur :)

Holiday Inn í Bretlandi kynnir "mennska rúmhitara"

Veturinn sem aldrei kom til Íslands er búinn að dvelja undanfarna mánuði í Bretlandi, þeim til mikillar mæðu. Holiday Inn vill bregðast við þessu og auka á þægindi gesta sinna. Aðferðin er óvenjuleg en nýjungin sem Holiday Inn bryddaði upp á er að hita upp rúmin fyrirfram - með því að nota fólk!

Þjónustan er í boði í tilraunaskyni á þremur hótelum í Bretlandi: Holiday Inn London Kensington Forum, Holiday Inn Kingston South og Holiday Inn Manchester Central Park. Þeir sem vilja skríða upp í heitt rúm geta pantað rúmhitara í fimm mínútur sem mætir og leggst í rúmið íklæddur heilum samfestingi sem er sérstaklega hannaður til þess að hita rúmið sem hraðast upp.

Tilraunin er unnin í samstarfi við Chris Idzikowsky svefn sálfræðing hjá "Svefnsetri Edinborgar" í Skotlandi. "Það er fjöldi vísindalegra rannsókna sem sýna að svefninn byrjar þegar líkamshitinn byrjar að falla." segir Chris. "Það ferli hefst meðal annars vegna þess að æðarnar í fótum, höndum og andliti opnast og víkka og hleypa út hita. Heitt rúm er því góð leið til þess að koma ferlinu fyrr af stað."

Hjörtur

Ódýr hótel gisting hjá Hostel World

Hótel og gististaðir eru náttúrulega til í öllum verðklössum og af mismiklum gæðum. Þegar verðið er aðalatriðið, þá er Hostel World líklegast besta leitar- og bókunarvélin og bíður upp á gríðarlegt úrval af ódýrri gistingu á hostelum og ódýrum hótelum sem hægt er að bóka beint í gegnum netið.

Hostel World sérhæfir sig í bókunum á hostelum og "budget" hótelum um allan heim. Þegar þið leitið í leitarvélinni (sem er hér til vinstri) fáið þið niðurstöðurnar sem lista af gististöðum og verð per nótt. Verðin eru allt frá 20 dollurum (alla vega sem ég gat fundið í fljótu bragði). Athugið að yfirleitt stendur "dorms" eða "private". Dorms eru svefnskálar eða kojur í herbergjum sem deilt er með öðrum. Private eru herbergi sem ekki er deilt með öðrum. Verið viss um að þið séuð að bóka það sem þið eruð að leita að.

Reviews
Nýtið ykkur þau reviews sem eru til um gististaðina og lesið þau áður en þið bókið gistingu. Er eitthvað neikvætt sagt sem myndi trufla ykkur? Fær það sem skiptir ykkur máli jákvæða umsögn? Þið getið séð hversu mörg reviews hver og einn hefur skrifað. Þeim mun fleiri sem viðkomandi hefur skrifað, þeim mun áreiðanlegri eru reviews frá viðkomandi.

Ódýr gisting í Kaupmannahöfn
Sem dæmi um hvers má vænta ef leitað er í Kaupmannahöfn eru annars vegar dönsku hostelin með verðum frá 30 dollurum og hins vegar hótel á borð við Absalon, Saga Hotel, Cab-inn hótelin og fleiri, mörg hver staðsett alveg við lestarstöðina. Það hefur verið erfitt að bóka gistingu á góðu verði í Kaupmannahöfn eins og gengið er núna, en vonandi verður Hostel World leitar- og bókunarvélin á vidskiptaferdir.is góð viðbót og gott tól í þeirri leit.

Hjörtur

ps. munið að gerast fans á Facebook til að fá skemmtilegar greinar og ómótstæðileg tilboð ==>  :)

Óvart umhverfisvænasta hótel í heimi

Hans Brinker hótelið í Amsterdam er ódýrt hótel með lágmarksþjónustu, í það mesta. Þeir hafa búið til kynningarmyndband þar sem þeir gera grein fyrir því af hverju þeir eru samt sem áður eitt umhverfisvænasta hótelið i bransanum. Engin uppblásin pálmatré og gleiðlinsur í þessari kynningu:

Hans Brinker hotelið er meira að segja með "brúðarsvítu":

Ef þið hafið áhuga á að upplifa lágmarksþjónustu Hans Brinker hótelsins, þá getið þið bókað í gegnum Hostelworld hér til hliðar. Veljið bara Amsterdam og dagsetningar og einhvers staðar í listanum bíður Hans Brinker ykkar :)

Hjörtur

ps. munið að gerast fans á Facebook til að fá skemmtilegar greinar og ómótstæðileg tilboð ==>   :)

Orlando á 50% afslætti og fleiri góð tilboð

Hotels.com eru með sérstakt tilboð í gangi frá og með í dag og til 8. september þar sem þú getur bókað gistingu í Orlando, einum vinsælasta áfangastað Íslendinga með 50% afslætti. Til þess að nýta þér tilboðið, smelltu þá á Orlando á útsölu - Sparaðu allt að 50%! Bókaðu seinast 8. sept. fyrir ferðir frá og með núna og til 30. sept 2008.

New York er einnig í boði með allt að 30% afslætti á gistingu: New York á útsölu - Sparaðu allt að 30%! Bókaðu fyrir 11. ágúst fyrir ferðir frá og með í dag og til og með 25. ágúst 2008.

Hotels.com eru einnig með Texas á allt að 40% afslætti og Suður-Kaliforníu á 30% afslætti sem þú getur nýtt þér með því að smella á hnappana hér að neðan:

Vertu viss um að missa ekki af fleiri góðum tilboðum. Þú getur gerst áskrifandi í tölvupósti eða RSS með því að skrá þig hér til hliðar.

Hjörtur

Byggingarframkvæmdir við "verstu byggingu í sögu mannkyns" teknar upp að nýju

Ljótasta hótel heims á einum óvinsælasta áfangastað ferðamanna sem finnst er líklegast Ryugyong hótelið í Pyongyang, höfuðborg Norður-Kóreu. Hótelið sem er einar 105 hæðir og í laginu eins og pýramídi. Hafist var handa við byggingu á tímum Sovétríkjana en þegar eftir að þau hrundu stöðvaðist fjármögnunin á byggingu hótelsins. Síðan 1992 hefur það staðið með gapandi augntóftirnar og horft yfir borgarbúana.

Vegna þessa hefur hótelið verið kallað "The Hotel of Doom" eða Dómsdagshótelið. Það þykir svo lítil "stofuprýði" að á opinberum myndum af borginni er annað hvort búið að mála hótelið í Photoshop þannig að það líti út fyrir að vera fullklárað eða jafnvel afmá það með öllu. Esquire tímaritið útnefndi hótelið "Verstu byggingu í sögu mannkyns" og sagði að jafnvel á mælikvarði kommúnistískrar byggingalistar væri hótelið afspyrnu ljótt. Það er einna helst eins og risavaxin útgáfa af Tower of Terror draugahótelinu í Disney Studios.

Það sem hefur hins vegar fært hótelið aftur í fréttirnar er tilkynning þess efnis að egypska fyrirtækið Orascom Group hafi ákveðið að halda áfram með hótel bygginguna. Til að byrja með verða efstu þrjár hæðirnar innréttaðar en enn sem komið er hafa ekki komið fram áætlanir um meiri framkvæmdir en það.

En hver veit, kannski Ryugyong hótelið verði vinsæll áfangastaður þegar Norður-Kóreumenn hafa náð heimsyfirráðum og Pyongyang verður orðið nafli alheims. Enn sem komið er get ég samt ekki boðið nein tilboð á gistingu á því.

Hjörtur

Ný tilboð í júlí

Nú bjóðum við upp á vörur frá hinum þekkta golfvöruframleiðanda Callaway Golf á frábærum netverðum.. Þú finnur tengla yfir á bestu tilboðin á golfvörum á golfsíðunni okkar..

Við höfum líka bætt við úrvalið af hótelum sem þú getur skoðað með Hotels.com sem er með tugir þúsunda hótela í boði. Og fyrir golfaranna eru þeir með sérstaka síðu með bestu tilboðunum á golfáfangastaði út um allan heim. Þú getur líka nálgast tengilinn ef þú velur golfferðir.

Dollar Rent A Car heldur áfram að bjóða tilboðin sín sem þú getur fengið með því að prenta út afsláttarmiðana þeirra. Einnig hefur EasyCar bæst í hóp þeirra bílaleigna sem við bjóðum upp á.

Maps.com sem býður upp á kort og ferðabækur fyrir nánast sama hvaða stað sem er í heiminum heldur áfram með tilboðin sín sem eru 5% af öllum pöntunun með því að nota Coupon Code HEAT5 og 10% af öllum pöntunum yfir 100 USD með því að nota Coupon Code HEAT10. Tilboðin gilda til 31. júlí.

Góða ferð!

Lifðu eins og rokkstjarna í Amsterdam

Þó að einkaþotan sé kannski ekki inn í budgetinu, þá þarf það ekki að þýða að þú getir ekki notið einhvers af því sem fylgir ferðalögum og lífsstíl stjarnanna.

Í Amsterdam hefur opnað nýtt hótel, The Backstage Hotel, sem gengur út á popp, rokk og átrúnaðargoð. Sagan segir að nú þegar hafi ýmsar þekktar stjörnur út tónlistarheiminum búið á hótelinu sem gerir það að ákjósanlegum vettvangi fyrir upprennandi stjörnur eða aðdáendur til að hitta annað tónlistarfólk og skapa ný tengsl.

Hótelið er útbúið með öllu því sem þú gætir búist við að finna slíku hóteli, faltskjá, iPod stöð, veggspjöldum af goðum poppsins auk þess sem innréttingarnar eru m.a. upplýst rúm, loftljós úr sneriltrommum, leikhússpeglar auk þess sem inn á herbergjunum eru bæði bar og pool borð.

Fyrir aðdáendurna er líka boðið upp á ókeypis niðurhal af mp3 lögum þeirra hljómsveita sem gist hafa á hótelinu.

Þið getið skoðað hótelið á backstagehotel.com.

Hjörtur
(via Trendhunter)