Það er orðið svolítið langt síðan við vorum síðast með mánudagsmyndagetraun en hér kemur ein ný.
Spurningin að þessu sinni er ekki aðeins hvar myndin sé tekin, heldur hvað klukkan sé á Íslandi þegar hún er tekin ;)
Hjörtur Smárason
ps. Smelltu á "like" á Facebook og fáðu skemmtilegar sögur, leiki og góð ferðatilboð :)
Í Ladakh í Himalayafjöllum er að finna Segulfjallið, fjall sem sigrast á þyngdarlögmálinu. Krafturinn er svo mikill að bílar færast upp brekkuna þrátt fyrir að vera ekki í gangi og geta náð allt að 20 km/klst. Einnig er sagt að togkraftur fjallsins finnist þegar flogið er yfir og er fljúgandi farartækjum ráðlagt að halda ákveðinni hæð og hraða til að lenda ekki í vandræðum.
Ef þú vilt prófa að upplifa áhrif fjallsins, þá er það staðsett um 30 km frá Leh, á Leh-Kargil-Baltik þjóðveginum í um 4.600 metra hæð. Fjallið er orðið vinsæll áfangastaður í dag en skammt frá fjallinu er helgur staður þar sem indverski gúrúinn Nanak Dev, upphafsmaður Shikisma, hugleiddi á 17. öld.
Skammt frá er annar merkur vegur, hæsti fjallvegur í heimi sem er í yfir 6.000 metra hæð. Hér borgar sig að fara í engu óðslega eða fólk á á hættu að fá háfjallaveiki.
Hér má sjá myndband af bifreið sem togast upp brekkuna í átt að Segulfjallinu:
Hjörtur
(via zuzutop)
ps. munið að gerast fans á facebook eða áskrifendur á twitter til að fá tilboð, verðlaunagátur og áhugaverðar ferðasögur :)
Berlin Alexander Platz
Originally uploaded by Werner Kunz (werkunz1)
Berlín er mjög skemmtileg borg heim að sækja með litskrúðugt mannlíf og mikla sögu. Berlín er í hringamiðju sögu 20 aldarinnar með stofnun lýðveldis eftir fyrri heimstyrjöldina, valdaskeiði Nazizta og seinni heimsstyrjöldina og að sjálfsögðu þekktasta víglína kalda stríðsins, Berlínarmúrinn, sleit í sundur borgina í tæp 40 ár. Þetta er borg sem ég get mælt með.
Nokkrir voru með rétt svör við þessari gátu en vinninginn að þessu sinni, mat á veitingastaðnum Eldhrímni, hlaut Gunnar Hólmsteinn og óska ég honum til hamingju með hann.
Ef þú ert að hugsa um að heimsækja Berlín, þá fljúga bæði Iceland Express og Icelandair til Berlínar. Þú finnur líka frábær tilboð á hótel í Berlín hér hér eða þú getur skoðað Hostel á Hostelworld hér vinstra megin en þau eru allt niður í 20 dollara nóttin.
Hjörtur
ps. munið að gerast fans á facebook eða áskrifendur á twitter til að fá tilboð, verðlaunagátur og áhugaverðar ferðasögur :)
Þetta er það sem þú getur átt von á að sjá ef þú ferð til Andalúsíu á Spáni vikuna fyrir Páska. Semana Santa, eða vikan helga, er nokkurra daga helgi hátíð þar sem kirkjur í borgum og bæjum Andalúsíu standa fyrir skrúðgöngum. Það sem gerir þessar skrúðgöngur all sérkennilegar og kannski óhuggulegar í hugum sumra eru búningarnir sem menn klæðast í göngunum, en á þeim eru háar hettur líkt og Ku Klux Klan klæddist í Bandaríkjunum. Þessar göngur eiga hins vegar ekkert skylt við Ku Klux Klan heldur eru þetta trúarleg klæði sem notuð hafa verið í hundruðir ára. Í göngunum er gengið á milli kirkna með líkneski af kaþólskum dýrlingum, Jesú Kristi og Maríu Mey. Þessar göngur eru orðin mikil ferðamannahátíð og er Semana Santa mesta ferðavikan í Sevilla og nágrenni.
Hægt er að skoða fleiri myndir hér auk þess sem þar eru upplýsingar um gistingu og ferðaþjónustu í Sevilla.
Hjörtur
ps. munið að gerast fans á facebook eða áskrifendur á twitter til að fá tilboð, verðlaunagátur og áhugaverðar ferðasögur :)
Hjörtur
ps. munið að gerast fans á facebook eða áskrifendur á twitter til að fá tilboð, verðlaunagátur og áhugaverðar ferðasögur :)
Flestir virtust strax átta sig á borginni, og margir á byggingunni. Þó öll skiltin væru með kínversku letri var það ekki að þvælast fyrir fólki. Myndin er tekin í Kínahverfinu í New York og skýjakljúfurinn sem sést í baksýn er Chrysler byggingin. Vinningshafinn fyrir rétt svar um borg og byggingu er Storm Karlsson, sem svaraði á Facebook.
Nákvæm staðsetning þvældist hins vegar meira fyrir fólki og var aðeins einn með hana rétta. Myndina tók undirritaður og er hún tekin á gatnamótum Eldridge St. og Division St. Einföld leið til að finna það út hefði verið t.d. að fletta upp einhverju af símanúmerunum sem eru á skiltunum. Sá sem var með þetta á hreinu var @urbanmania eða Jóhannes Erlingsson og fær hann mat fyrir tvo á Eldhrímni.
Hjörtur
ps. munið að gerast fans á facebook eða áskrifendur á twitter
Myndin í síðustu myndagátu reyndist mönnum erfið, enda lítið um kennileiti. En vel er að gáð má sjá að á turninum sem gnæfir yfir gröfunum er ólympíumerkið. Þetta svæði var ekki útbúið sem grafreitur. Þetta er ólympíuleikvangurinn í Sarajevo í Bosníu. Leikvangurinn var aðsetur vetrarólympíuleikanna 1984.
Í Júgóslavíu stríðinu umkringdi serbneski herinn borgina. Úr hæðunum í kring gerði herinn árásir með stórskotaliði, skriðdrekum, leyniskyttum og öðrum vopnum. Umsátrið er það lengsta í seinni tíma og stóð frá 5. apríl 1992 til 29. febrúar 1996. 10.000 manns voru myrtir, þar af 1.500 börn. 56.000 manns voru særðir, þar af 15.000 börn. Enginn var óhultur fyrir árásum Serbneska hersins, hvorki heima, í skólum né á sjúkrahúsum. Kirkjugarðar inn í borginni urðu fljótt yfirfulllir og því var gripið til þess ráðs að grafa hina látnu á ólympíu leikvanginum. Það er gríðarlega áhrifamikið að labba um leikvanginn með olympíu merkið, sameiningartáknið, á turninum en um allt eru grafir. Flestar þeirra eru frá árinu 1993 og nánast allir hinna látnu eru ungt fólk, tvítugt, þrítugt og börn og unglingar. Og þetta er ekki eitthvað sem gerðist á miðöldum, þetta eru atburðir sem gerðust hér í Evrópu fyrir aðeins örfáum árum. Sjálfur var ég á hinum stríðshrjáðu svæðum aðeins mánuði seinna, en þó ekki í Sarajevo.
Myndina tók ég árið 2004, 8 árum eftir stríð. Þá var borgin enn í rúst með hálfbrunnin og hálfhrunin hús á hverju horni. Það var sorglegt að sjá sömu þorpin eftir átta ár, þar sem ekkert hafði breyst. Brunnin bílflök enn á sama stað, sömu rifnu gluggatjöldin enn blaktandi út úm brotnar rúður. Stríðið er ekki búið þó að stríðinu sé hætt.
Vinningshafinn í myndagátunni að þessu sinni svaraði henni á twitter en það var Eiríkur Jónsson. Hann fær mat fyrir tvo á veitingastaðnum Eldhrímni í Borgartúni og óska ég honum til hamingju með það.
Hjörtur
ps. munið að gerast fans á Facebook til að fylgjast með nýjum gátum og uppfærslum.
Fyrsta myndagáta ársins er mynd sem ég tók sjálfur á einum áhrifamesta stað sem ég hef komið á. Spurningin er einföld. Hvaðan er myndin og hvað er það sem er svo sérstakt eða áhrifamikið við þennan stað?
Skrifið lausnina hér fyrir neðan eða á Facebook. Ég mun draga úr réttum svörum og einn mun hljóta út að borða fyrir tvo á veitingastaðnum Eldhrímni við Borgartún.
Hjörtur
ps. munið að gerast fans á Facebook til að fylgjast með nýjum gátum og uppfærslum.
Myndin sem spurt var um í myndagátu 4 síðastliðinn mánudag er frá byggingu sem heitir Plaza de España og er í Sevilla á Spáni. Byggingin var reist árið 1929 fyrir stóra sýningu sem haldin var í borginni það árið. Byggingin liggur í hálfhring og hægt er að sigla meðfram henni og virða fyrir sér mósaík myndir sem gerðar hafa verið, ein fyrir hvert hérað á Spáni. Einnig er hægt að fara í asnakerrureið á torginu eins og sjá má. Að mínu mati er þetta einn fallegasti staður sem ég hef komið á og í miklu uppáhaldi.
Og sem svar við aukaspurningunni, þá birtist byggingin í Star Wars Episode II: The Attack of the Clones. Reyndar er byggingunni breytt aðeins í tölvu, en er þó auðþekkjanleg. Myndina tók undirritaður.
Hjörtur
Að þessu sinni erum við með loftmynd sem getur verið svolítið erfið. Þó eru þarna skýr kennileiti sem ættu að koma ykkur á sporið :)
Gangi ykkur vel!
Hjörtur
ps. ef þið getið áttað ykkur á því hvaða tegund flugvélin er þá fáið þið aukastig ;)
pps. munið að gerast fans á Facebook eða skrá netfangið ykkar hér til hliðar til að fá tilkynningar um nýjar greinar og getraunir.
