Þegar þú vilt ná bestu dílunum er mikilvægt að vita hvar á að leita á netinu. Einn miðill á netinu hefur verið að sækja mikið í sig veðrið en það er twitter. Ef þú ert ekki komin á twitter þá er um að gera að byrja ´aþví að tryggja sér notendanafnið sitt.
Flest stærri ferðafyrirtæki og ferðavefsíður eru á twitter en misjafnt er hvernig þau nota twitter. Sum eru farin að bjóða tilboð á twitter sem er hvergi hægt að fá annars staðar. En það sem er kannski best við twitter er að þar geturðu komist í beint samband við starfsfólk hjá viðkomandi fyrirtækjum, hótelum eða ferðaskrifstofum og spurt spurninga.
Meðal íslenskra fyrirtækja sem eru á twitter eru Icelandair, Iceland Express og DoHop. Dæmi um önnur flugfélög sem hafa verið að nýta twitter vel eru Air New Zealand og bandaríska flugfélagið SouthWest. Jet Blue er með sérstakan twitter prófíl fyrir "last-minute" tilboð á JetBlueCheeps. Ryan Air finnurðu ekki á twitter (þú getur lesið af hverju hér) en hins vegar er til notandinn @ihateryanair á twitter :)
Þúsundir hótela eru að nota twitter og mörg þeirra bjóða upp á "concierge" þjónustu í gegnum twitterinn sinn. Þú getur þá t.d. gefið þeim upp staðsetninguna þína og spurt um nærliggjandi veitingastaði. Snilldar þjónusta.
Til að finna réttu fyrirtækin eða fólkið til að fylgjast með á twitter, þá geturðu leitað að ákveðnum tengdum orðum í twitter leitinni. Þú getur líka leitað að vörumerkjum eða fyrirtækjum í "find people". Hér hef ég til dæmis leitað að Grand Hyatt hótelum á twitter.
Viðskiptaferðir eru að sjálfsögðu á twitter og ef þið hafið einhverjar spurningar, spyrjið þá bara :)
Hjörtur
ps. munið að gerast fans á facebook eða áskrifendur á twitter
